മിനിക്കഥ -
ഭ്രാന്തായാലും -
✍️ഉണ്ണി വാരിയത്ത്
അമ്മായിയമ്മയും മരുമകളും തമ്മിൽ സ്വരച്ചേർച്ചയില്ലായ്മ പല കുടുംബങ്ങളിലും കാണാറുണ്ടല്ലോ. അതാണ് ഇവിടെയും സംഭവിച്ചിരിക്കുന്നത്.
ഒരു ദിവസം, സഹികെട്ട മരുമകൾ ഭർത്താവിനോട് പറഞ്ഞു:
"നിങ്ങളുടെ
തള്ളയ്ക്ക് ഭ്രാന്താ"
അതിഷ്ടപ്പെടാതെ അയാൾ ദേഷ്യപ്പെട്ടു:
" അമ്മയ്ക്ക് ഭ്രാന്തൊന്നുമില്ല. ഇനി ഉണ്ടെങ്കിൽത്തന്നെ അമ്മയല്ലാതാകുമോ?"
അപ്പോൾ, ശരിക്കും ഭ്രാന്തുപിടിച്ചതുപോലെ അവൾ അലറി. കരഞ്ഞു. പക്ഷേ, എന്തായാലും അവൾ ഭാര്യയല്ലാതാകില്ലല്ലോ എന്നും ചിന്തിച്ച് അയാൾ അവർക്കിടയിൽ സമരസം പുലർത്താൻ ശ്രമിച്ചുകൊണ്ടിരുന്നു.
story
SHARE THIS ARTICLE