“മുസിരിസ് 1000 - എക്സ്പീരിയൻസ് “

*മുസിരിസ് പൈതൃക പദ്ധതി പ്രദേശത്തെ ജനവിഭാഗങ്ങൾക്ക് ടൂറിസത്തിലൂടെ വരുമാനം ലഭിക്കുന്നതിന്  " മുസിരിസ്  1000 - എക്സ്പീരിയൻസ്" എന്ന നവീന ആശയത്തിന് തുടക്കം കുറയ്ക്കുന്നതായി മുസിരിസ് പൈതൃക പദ്ധതി മാനേജിംഗ് ഡയറക്ടർ ഷാരോൺ വീട്ടിൽ.* 

മുസിരിസ് പൈതൃക പ്രദേശത്തിന്റെ തനതായ ജീവിതവും ഭക്ഷണവും കൈതൊഴിലുകളും കാലാവസ്ഥയും പ്രകൃതിയും മറ്റും സഞ്ചാരികൾക്ക് അനുഭവവേദ്യമാക്കുന്നതിനുള്ള ഒരു വേദി ഒരുക്കുകയാണ്  “മുസിരിസ് 1000 എക്സ്പീരിയൻസ്”എന്ന പരിപാടിയിലൂടെ ഉദ്ദേശിച്ചിട്ടുള്ളത്. ഇതിന്റെ ഭാഗമായി മുസിരിസ് പദ്ധതി പ്രദേശത്ത് 12 പഞ്ചായത്തുകളിലേയും 2 മുനിസിപ്പാലിറ്റികളിലേയും വിവിധ ജനവിഭാഗങ്ങളെ വിവര ശേഖരണത്തിലൂടെ കണ്ടെത്തി പ്രൊഫഷണൽ ട്രെയിനിങ് നൽകി നിശ്ചിത മാനദണ്ഡങ്ങൾക്ക് അനുസൃതമായി  മുസിരിസ് ടൂറിസം സർക്യൂട്ടിന്റെ ഭാഗമാക്കി വരുമാനം ലഭിക്കുന്ന രീതിയിൽ ആണ് പദ്ധതികൾ ആസൂത്രണം ചെയ്തിട്ടുള്ളത് എന്ന് മാനേജിംഗ് ഡയറക്ടർ ഷാരോൺ വീട്ടിൽ അറിയിച്ചു. 

 താഴെ പറയുന്ന വ്യത്യസ്ത ജനവിഭാഗങ്ങളെയാണ് പരിശീലന പരിപാടിയിലേക്ക് പരിഗണിക്കുന്നത്. 

• പാരമ്പര്യ തൊഴിലാളികൾ (നെയ്ത്തുകാർ, മൺപാത്രനിർമ്മാണ തൊഴിലാളികൾ, ആഭരണ നിർമ്മാണ   തൊഴിലാളികൾ, കൊല്ലപ്പണിക്കാർ, പപ്പട നിർമ്മാണക്കാർ, തെങ്ങുകയറ്റ തൊഴിലാളികൾ, ചെത്തു തൊഴിലാളികൾ, മീൻപിടുത്തക്കാർ, മരപ്പണിക്കാർ തുടങ്ങിയവ)    

. പ്രാദേശികമായ തനത് ഭക്ഷണ വിഭവങ്ങൾ ഒരുക്കുന്നവർ (വീട്ടമ്മമാർ, ചായക്കടകൾ, ഹോട്ടലുകൾ, കാറ്ററിങ് സ്ഥാപനങ്ങൾ മുതലായവ)

 •സഞ്ചാരികൾക്ക് താമസസൗകര്യം ഒരുക്കുവാൻ താൽപര്യമുള്ളവർ (റിസോർട്ടുകൾ, പൈതൃകവീടുകൾ, ഹോംസ്റ്റേകൾ തുടങ്ങിയവ)

. പ്രാദേശിക കലാകാരന്മാർ, (തെയ്യം, തിറ, മോഹിനിയാട്ടം തുടങ്ങിയവ) 

.വാദ്യോപകരണങ്ങൾ കൈകാര്യം ചെയ്യുന്നവർ (ചെണ്ട, ഇടയ്ക്ക, തുടങ്ങിയവ) കരകൗശല നിർമ്മാണത്തിലും, അനുബന്ധ പ്രവർത്തികളിൽ ഏർപ്പെട്ടിട്ടുള്ളവർ 

 • പ്രദേശത്തിന്റെ ചരിത്രം വിനോദ സഞ്ചാരികൾക്ക് പകർന്നു നൽകുന്നവർ (ജോലിയിൽ നിന്നും വിരമിച്ചവർ, പ്രാദേശിക ഗൈഡുകൾ, വിദ്യാർത്ഥികൾ, വീട്ടമ്മമാർ, ചരിത്ര തൽപരരായിട്ടുള്ള വിവിധ ഭാഷാ നൈപുണ്യമുള്ളവർ) 

•വിവിധ ടൂറിസം വിനോദോപാതികളും, സാഹസിക ടൂറിസത്തിന് അനുയോജ്യമായിട്ടുള്ളതും (കയാക്കിങ്, ചെറുവള്ളങ്ങൾ, ബോട്ടുകൾ, ചെമ്മീൻ കെട്ടുകൾ, പൊക്കാളി പാടങ്ങൾ, നെൽ വയലുകൾ, ഫാം ടൂറിസം മുതലായവ)

• ആയുർവേദം, യോഗ, സർക്കാർ അംഗീകൃത സുഖചികിൽസ സ്ഥാപനങ്ങൾ മുതലായവ

•ആയോധനകലകൾ(കളരിപ്പയറ്റ്)

•ഡ്രൈവേഴ്സ്(ഓട്ടോ,ടാക്സി,ബസ്സ്മുതലായവ)

മേൽ പറഞ്ഞ മേഖലയിൽ പ്രവർത്തിക്കുന്നവർക്കും പുതുതായി ടൂറിസം മേഖലയിലേയ്ക്ക് കടന്നു വരാൻ

താൽപര്യം ഉള്ളവർക്കും പ്രൊഫഷണൽ ട്രെയിനിങ്ങിലൂടെ മുസിരിസ് എക്സ്പീരിയൻസ് സർട്ടിഫൈഡ് പാർട്ണർ ആക്കി മാറ്റുകയാണ് പരിപാടിയുടെ ലക്ഷ്യം.  വിനോദസഞ്ചാരികൾ മുസിരിസ്  പദ്ധതി പ്രദേശത്ത് സന്ദർശിക്കുമ്പോൾ മേൽപ്പറഞ്ഞ സംരംഭകർക്ക് അവരുടെ ഉൽപ്പന്നങ്ങളും, സേവനങ്ങളും നൽകുന്നത് വഴി വരുമാനം ലഭിക്കുന്നതിനുള്ള മാർഗ്ഗം ഇതിലൂടെ തുറക്കുകയാണ്. ഇതിലൂടെ മുസിരിസ് പദ്ധതി പ്രദേശത്തിന്റെ സാമ്പത്തികവും സാമൂഹികവുമായ ഉന്നമനം ആണ് പദ്ധതി ലക്ഷ്യം ഇടുന്നത്.  ഈ പരിപാടിയിലേക്ക് സംരംഭകരുടെ  വിവരങ്ങൾ സ്വീകരിക്കുന്നത് ഗൂഗിൾ ഫോം വഴിയാണ്. ഗൂഗിൾ ഫോമിലൂടെ വിവരങ്ങൾ സ്വീകരിക്കുന്ന അവസാന തീയതി ആഗസ്റ്റ് 5 നാണ്. ഗൂഗിൾ ഫോമിനും വിശദവിവരങ്ങൾക്കും അന്വേഷങ്ങൾക്കുമായി ബന്ധപ്പെടേണ്ട നമ്പർ 9037252480, email: muziris@keralatourism.org