മിനിക്കഥ -
തല തിരിഞ്ഞ വളർച്ച -
✍️ഉണ്ണി വാരിയത്ത്
മക്കളുടെ വളർച്ച കണ്ടാൽ സന്തോഷിക്കാത്ത രക്ഷിതാക്കളുണ്ടാവില്ലല്ലോ. ഇത് കഥ വേറെ.
മകന്റെ തലതിരിഞ്ഞ വളർച്ച കണ്ട് അച്ഛൻ പരിതപിച്ചു.
" എന്താ മോനേ നീ ഇങ്ങനെ? " അച്ഛൻ ഒരു ദിവസം ചോദിച്ചു.
" എന്താ നിങ്ങൾ ഇങ്ങനെ? " മകൻ മറുചോദ്യം ചോദിച്ചു.
" മറുചോദ്യം മറുപടിയാകുമോ? "
" ഇല്ലെങ്കിൽ, ഒന്നും ചോദിക്കാതിരിക്കണം. എന്റെ സ്വാതന്ത്ര്യത്തിന്റെ മേലുള്ള കടന്നുകയറ്റമാണ് ചോദ്യങ്ങൾ. അത് വേണ്ട "
" ഞാൻ നിന്റെ അച്ഛനല്ലേ? "
" അത് അമ്മയോടല്ലേ ചോദിക്കേണ്ടത്? "
അച്ഛൻ ഞെട്ടിത്തരിച്ചുപോയി. എങ്കിലും, മരിച്ചുപോയ ഭാഗ്യവതിയായ തന്റെ ഭാര്യയ്ക്ക് അത് കേൾക്കേണ്ടിവന്നില്ലല്ലോ എന്ന് അയാൾ സമാധാനിച്ചു.
story
SHARE THIS ARTICLE