മിനിക്കഥ - ഓർമ്മകൾ ബാക്കി -
✍️ഉണ്ണി വാരിയത്ത്
ആരാണ്, എന്തിനാണ്, ഓർമ്മകളുടെ പഴകിയ വീഞ്ഞ് തന്റെ മാനസചഷകത്തിൽ ഒഴിച്ചുകൊണ്ടിരിക്കുന്നത്? -- അവൾ പരതുകയാണ്.
അവന്റെ കയ്യൂഞ്ഞാലായ കളിയൂഞ്ഞാലിൽ ചില്ലാട്ടമാടി മോഹനക്ഷത്രപ്പൂക്കൾ നുള്ളിയെടുത്ത് ആപാദചൂഢം ചൊരിഞ്ഞ നാളുകൾ! എങ്ങുനിന്നോ തെന്നൽപോലെ വന്ന അവന്റെ മൂളിപ്പാട്ടിനെ തന്റെ നെഞ്ചിൻകൂടായ മുളംകാട്ടിലൂടെ കടത്തിവിട്ട് പരിവർത്തനം ചെയ്ത് ശ്രുതിലയ സ്വരമധുര പ്രണയഗാനമാക്കിയ നാളുകൾ!
അങ്ങനെയങ്ങനെ...
ചഷകം നിറഞ്ഞു കവിയുന്നു. എങ്കിലും, വീഞ്ഞ് പിന്നെയും ബാക്കി!
story
SHARE THIS ARTICLE