മിനിക്കഥ -  

ബ്രാഹ്മമുഹൂർത്തം -  

✍️ഉണ്ണി വാരിയത്ത്  

     "ബ്രാഹ്മമുഹൂർത്തം  എന്നുവെച്ചാൽ എന്താണെന്നറിയാമോ? അതു തുടങ്ങുന്നത് സൂര്യോദയത്തിന് നാല്പ ത്തെട്ടു നിമിഷങ്ങൾക്കുമുമ്പാണ്.  വായിച്ചുപഠിക്കാനും, എഴുതാനും, സാധകം ചെയ്യാനും, ഏതു വിദ്യ അഭ്യസിക്കാനും, വ്യായാമത്തിനും, എന്നുവേണ്ട എന്തു നല്ല കാര്യത്തിനും ബ്രാഹ്മമുഹൂർത്തം ഉചിതമാണ് " മുത്തച്ഛൻ പറഞ്ഞു. 

     കൊച്ചുമക്കൾ കേട്ടില്ല. അവർ ചെവികളിൽ എയർപോഡ്സ് അഥവാ വയർലെസ് ഹെഡ്ഫോൺ തിരുകി വെച്ചിരിക്കുകയാണല്ലോ! അങ്ങനെയല്ലെങ്കിൽത്തന്നെ, അർദ്ധരാത്രി കഴിഞ്ഞു മാത്രം ഉറങ്ങി ശീലിച്ച അവർ പറയുക സുഖസുഷുപ്തിക്കാണ്  ബ്രാഹ്മമുഹൂർത്തം ഏറ്റവും ഉചിതം എന്നായിരിക്കുമല്ലോ!