മിനിക്കഥ -
അടവ് -
✍️ഉണ്ണി വാരിയത്ത്
---------------------------------
ചേച്ചിക്ക് നല്ല കഴിവുണ്ട്. അനിയത്തിക്ക് ഒരു കഴിവുമില്ല. എല്ലാവരും ചേച്ചിയെ അഭിനന്ദിക്കുന്നതു കാണുമ്പോൾ അനിയത്തിക്ക് ദേഷ്യം വരും. അവൾ ചേച്ചിയെ വെറുത്തുതുടങ്ങി.
ചേച്ചിക്കാകട്ടെ അനിയത്തിയെ ജീവനാണ്. ഒരു ദിവസം അനിയത്തി ചേച്ചിയോട് പറഞ്ഞു:
" ഞാനും വളരും. ചേച്ചിയെപ്പോലെയാകും"
" പോരാ. നീ എന്നേക്കാൾ നന്നാവണം എന്നാണ് എന്റെ ആഗ്രഹം" ചേച്ചി അറിയിച്ചു.
"വെറുതെ നുണ പറയണ്ട"
" സത്യമാണ് "
" എങ്കിൽ ചേച്ചി ഇനി ഒരു കഴിവും പ്രകടിപ്പിക്കില്ലെന്ന് വാക്ക് തരൂ"
ചുളിവിൽ ജയിക്കാൻ ചിലർ എന്തെല്ലാം അടവുകളാണ് പയറ്റുന്നത് ജീവിതത്തിൽ!
=======
story
SHARE THIS ARTICLE