വാർത്ത കുറിപ്പ്

 **മെഡിക്കൽ ലബോറട്ടറി ടെക്നോളജി വിദ്യാർത്ഥികളുടെ 24 മത് നാഷണൽ കോൺഫറൻസ് കോഴിക്കോട് വച്ച് നടന്നു.**

 മെഡിക്കൽ ലബോറട്ടറി ടെക്നോളജി സ്റ്റുഡൻസ് അസോസിയേഷന്റെ 24 വാർഷിക നാഷണൽ കോൺഫറൻസ് നവംബർ 14 കോഴിക്കോട് മലബാർ മറീന കൺവെൻഷൻ സെന്ററിൽ നടന്നു. ഉദ്ഘാടന സമ്മേളനം കേരള ആരോഗ്യ ശാസ്ത്ര സർവ്വകലാശാല വിദ്യാർത്ഥി കാര്യ വിഭാഗം ഡീൻ ഡോക്ടർ ആശിഷ്. ആർ ഉദ്ഘാടനം ചെയ്തു. ആരോഗ്യശാസ്ത്ര സർവ്വകലാശാല എം എൽ ടി വിഭാഗം ബോർഡ് ഓഫ് സ്റ്റഡീസ് ചെയർമാൻ ഡോക്ടർ പ്രദീപ് കുമാർ, അസോസിയേഷൻ ഭാരവാഹികളായ ശ്രീദേവ്, നിതിൻ കുര്യാക്കോസ്, ഷുക്കൂർ, നിതിൻ സി, നവാസ് ഷെരീഫ് എന്നിവർ സംസാരിച്ചു.പ്രൊഫ.ജയകുമാർ,ഡോ.സുധീഷ് എന്നിവർ സംബന്ധിച്ചു. 

40ലേറെ കോളേജുകളിൽ നിന്നായി 2500 ഓളം വിദ്യാർത്ഥികളും അധ്യാപകരും പ്രൊഫഷണൽസും പ്രസ്തുത കോൺഫറൻസിൽ പങ്കെടുത്തു.

 മെഡിക്കൽ ലബോറട്ടറി മേഖലയിലെ വിവിധ വിഷയങ്ങളിൽ ക്ലാസ്സുകൾ നടന്നു. ലബോറട്ടറി നവീകരണങ്ങൾ, ലബോറട്ടറി ക്വാളിറ്റി കൺട്രോൾ, മാനേജ്മെന്റ്, മറ്റു ശാസ്ത്രീയ വിഷയങ്ങൾ എന്നിവയുമായി ബന്ധപ്പെട്ട വിഷയങ്ങൾ അവതരിപ്പിക്കപ്പെട്ടു. വിവിധ കോളേജുകളിലെ വിദ്യാർത്ഥികൾ അവതരിപ്പിച്ച കലാപരിപാടികളും അരങ്ങേറി. ലബോറട്ടറി മെഡിസിനിലെ വിവിധ വിഷയങ്ങൾ കേന്ദ്രീകരിച്ച് മത്സരങ്ങളും നടന്നു.

 മെഡിക്കൽ ലബോറട്ടറി രംഗത്തെ പ്രമുഖർ പങ്കെടുത്ത സമ്മേളനത്തിൽ ഗവേഷണ പ്രബന്ധങ്ങൾ, സയന്റിഫിക് എക്സിബിഷനുകൾ, സ്കിൽ ഡെവലപ്മെന്റ് പ്രോഗ്രാം എന്നിവയും നടക്കുകയുണ്ടായി.