മടപ്ലാതുരുത്ത് സെന്റ് ജോർജ്ജ് ദേവാലയത്തിൽ കെ സി വൈ എം കൂട്ടായ്മയുടെ നേതൃത്വത്തിൽ യുവജനദിനാഘോഷം സംഘടിപ്പിച്ചു.8.30 ന് ആരംഭിച്ച ദിവ്യബലിയിൽ റവ ഫാ.ജേക്കബ് പ്രജോഷ് IVD മുഖ്യകാർമ്മീകനായി.വി. കുർബാനയ്ക്കും കാഴ്ച്ചവെപ്പിനും പ്രാർത്ഥനകൾക്കും ഗാനങ്ങൾക്കും യുവജനങ്ങൾ നേതൃത്വം നൽകി.ദിവ്യബലിക്ക് 

ശേഷം ലഹരിക്കെതിരെ kcym അംഗങ്ങൾ ഫ്ലാഷ് മോബ് നടത്തി തുടർന്ന് കെ സി വൈ എം പ്രസിഡന്റ്‌ ആന്റണി ജോളി കുഞ്ഞേലുപറമ്പിൽ kcym പതാക ഉയർത്തി.ശേഷം പാരീഷ് ഹാളിൽ സംഘടിപ്പിച്ച യുവജനാഘോഷ യോഗത്തിന് ഇടവകവികാരി ഫാ പോൾ കുര്യാപ്പിള്ളി നേതൃത്വം നൽകി.റവ ഫാ ജേക്കബ് പ്രജോഷ് IVD ഉത്ഘാടനം നിർവഹിച്ചു.യോഗത്തിൽ ഇടവകയിലുള്ള ഭിന്നശേഷിയായ കുട്ടിക്ക് വീൽ ചെയർ വിതരണം ചെയ്യുകയും sslc പ്ലസ് ടു പരീക്ഷയിൽ ഉന്നത വിജയം കരസ്ഥമാക്കിയ വിദ്യാർത്ഥികൾക്ക് അവാർഡുകൾ നൽകികയും ചെയ്തു.യോഗത്തിൽ കെ സി വൈ എം  കോട്ടപ്പുറം ആനിമേറ്റർ സിസ്റ്റർ മേരി ട്രീസ ,ഫ്രാൻസിസ്കൻ സിസ്റ്റേഴ്സ് അംഗം സിസ്റ്റർ സ്റ്റെല്ല,ബ്രദർ ശ്യാം,കെ സി വൈ എം കോട്ടപ്പുറം രൂപത പ്രസിഡന്റ് ജെൻസൺ ആൽബി എന്നിവർ ആശംസകൾ നൽകി.യോഗത്തിന് ശേഷം യുവതി യുവാക്കൾക്കായി ജോബി തോമസ് ലഹരി വിമുക്ത ബോധവത്കരണ ക്ലാസ്സ്‌ നയിച്ചു.കെ സി വൈ എം സെക്രട്ടറി ജെസ്‌ന റൈസൻ യോഗത്തിന് സന്നിഹിതരായ എല്ലാവർക്കും നന്ദി അറിയിച്ചുകൊണ്ട് യോഗം അവസാനിപ്പിച്ചു.